冬日遊拉薩, 狂HEA季節。


西藏一年的最後旺季, 應該算是國慶節, 由10月1日至10月8日, 之後是長HEA的悠長冬季。

住宿︰

每年11月左右, 各小旅館都會推出優惠價, 可以包月住宿。旺季, 一個房間160元左右, 到了淡季, 同一個房間可以低到900至千多元包月! 有獨立衛生間, 有電視, 插電, 甚至暖氣。如果有兩個人, 每人平均15元。


交通︰

火車票, 旺淡季價錢一樣, 沒有差別。但機票, 去年忽然狂推冬季快樂飛, 由廣州飛拉薩, 只用330元 (2008年12月), 今年情況, 要到時才知道。

包車方面, 冬季一般是便宜幾成!

因為是過來HEA, 可以減少包車, 多坐公車, 也可以買一輛數百元的單車代步, 減肥又強身!


天氣︰

拉薩日夜溫差大, 市區一般沒有積雪, 日間可達十多度, 曬太陽很舒服。晚上七時後, 太陽下山, 天氣漸涼, 由攝氏十多度, 一直跌到五、六度, 由零時至翌晨九時, 氣溫一直跌至零下十度, 之後再回升。

晚上雖然冷, 但一般都是睡覺 (或陪我食宵夜, 嘿), 有電暖氈, 其實也不會太冷。


衣著︰

要有口罩, 頭巾, 頸巾, 冷帽, 羽絨等, 不夠的話, 好簡單, 去八廓街買件藏式人工毛大褸, 大概90元人民幣。


飲食︰

大部份餐廳, 除了過春節那一兩星期外, 其他時間都開的。


金錢預算︰

最便宜的玩法, 由香港出發, 當是坐火車來回, 即2000元左右。住一個月, 當是900元, 飲食一天約50元。景點門票儘量逃票或不入, 儘量留在拉薩, 一個月消費約5000元人民幣, 即HK$5745左右。


每日有乜做︰

太多喇, 以下是部份建議——

• 去倉姑寺飲甜茶, 食藏麵
• 踏單車上帕邦卡
• 行路去色拉寺, 爬上後山逃票入去
• 行八廓街, 走進每一幢百年建築, 走上天台, 找個藏民叫他帶你進他家參觀
• 星期三去扎基寺拜財神, 順便找個和尚聊聊天.
• 迫TRAVELLIFE西藏區網友阿古蘭姿帶你去扎葉巴寺參觀
• 陪薯伯伯去食通宵串串王
• 或者去宇拓路找馬師傅食羊肉串, 一切唱歌到四時
• 去求其一間旅館做義工, 唔收錢, 只係打吓工咁.... 雖然是冬季, 都會有旅館想搵義工的.... (其實義工即係打工唔收錢, 有少少搵笨, 但最緊要開心...., 注: 我不需要...)
• 搵個藏族人教你藏文或畫唐卡
• 去八廓街, 隨便搵個藏族人, 陪佢去佢屋企. 如果是過來朝拜的牧民, 請佢食餐飲, 然後跟足佢三天, 問問他每日做乜.
• 乜都唔做, 日日在大昭寺曬太陽....

我覺得, 在西藏的冬天認識的朋友, 是KEEP得最耐, 最有感覺的。

冬天快要開始, 要HEA的人, 快計劃了!

分享 浏览(92) 评论(1)

关于博主

文章列表

文章分类

最近发布