（答阿矇聽眾）兩星期前話佢林玉鳳「可能會有一席唔出奇」，係將佢同歐錦新及陳偉智並列，三個人搶一至兩席咁來計算的，因為當時仲要睇佢有無可能搶唔搶到人地既票，特別是吳國晶或歐錦新既票來決定。投票日當天大家都明顯見到林玉鳳都搶唔到吳同區既票，咁咪估佢「上同唔上之間，落選的機會較大」咯，呢個結論同兩個星期前電台上面估既「有可能拿到一席」根本毫無矛盾。依家好多盲毛人士郁下就話我地呢班主持人為甚麼會前後矛盾，其實唔既真的有矛盾，而既佢地既聽覺有問題，野都未聽清楚就先噏得就噏，仲唔知自己既邏輯有幾混亂，食豬油食得太多，矇到上心口。 不但如此，選舉既野，日日都唔同，兩個星期前既分析，同兩個星期後既分析，結果完全反轉都時有發生，因為多左個「時間」因素介入，死左大半既候選人可以翻生，生勾勾明明應該可以順利當選既候選人突然瓜左，一點都唔出奇。只要你地回想一下舊年香港立法會選舉，公民黨候選人毛孟靜一出閘就頭頂大熱門，支持率最高，結果在選舉過程中，被黃毓民等其他候選人圍剿，一路波勾脫腳，到投票日當天由於票源大量流失，最後不幸第一高票落選，就可知道點解選舉工程同選舉期間候選人既個人表現會咁鬼重要。

時間，時間，時間，這才是對候選人最無情的東西！

关于博主

文章列表

文章分类

最近发布